L Ato de la Criaçon i la Genialidade

Poema traduzido e declamado por Domingos Raposo na Casa da Cultura de Miranda do Douro, na sessão inaugural da Exposição "Evasões Sobre a Arte e a Escrita Criativa" de Jorge Nuno, em 07-12-2012, com honrosa presença do Senhor Presidente da Câmara, Artur Nunes.

L ATO DE LA CRIAÇON I LA GENIALIDADE

La miente assossegada, çcuntraída,

Deixa-se tomar pula fuonte d’anspiraçon,

Scuita la boç de drento

I ampeça l ato de la criaçon.

Ancunciente

I cunciente,

Andependientes,

De manos dadas

Fáien aparcer l’eidia criativa.

L ancunciente

Ouregina-la.

L cunciente

Reconhece-la.

L  ancunciente

Acarina-la.

L cunciente

Balida-la (ou scamuge-la).

La meditaçon

Faborece la criatividade

Manifestada na poesie i pintura.

Las atebidades criativas

Cumo la poesie i la pintura

Faborécen la meditaçon.

Neste antrelhaçado, mas splicado,

Ciclo bicioso i biciante

(Pul gozo de la biaige)

Al deixar(-se) la spresson

Scrita i plástica manar,

Esta assume l mando

I ganha forma de rialidade.

Mas inda queda la dúbeda!...

Seia ou nó recoincida…

Dadonde ben la genialidade?

Outor: © Jorge Nuno (2012)

Traduçon de:  Domingos Raposo